廖碧兒闖入荷里活演奸角開真槍

藝人廖碧兒（Bernice）早前遠赴馬來西亞拍一部荷里活電影，由於演員來自不同國家，令Bernice感到非常新鮮說：「都幾特別，因為大家都係講英文。」而問到母語為英語的Bernice會否因此更易發揮，她笑說：「當然英文係我嘅母語，但我拍劇、拍電影都咁多年，其實中文演戲都OK，都習慣咗，只不過係唔識睇！當然如果你話背詩嗰啲古裝就當然要多啲時間啦。」

與外國人合作感興奮

Bernice透露在此電影中是飾演奸角，拍攝時更要荷槍實彈，她說：「我要綁架飛機，同埋我第一次揸真槍，真係要發射子彈！有老師教我點用，我要學三種槍，訓練咗3個星期先可以開，對於我嚟講好正，好新鮮！」Bernice又表示在外國拍攝與在香港很不同，興奮地說：「劇組有外國一份子喺入面，無論工作人員定製作都好唔同，所以次次合作都好期待。今次電影好多特技，拍嗰時用咗好多藍色、綠色布景板，但喺係室外，所以個布景唔係一面牆咁，係成條街咁長！」

動作場面親身上陣

談到最深刻一幕，她說：「有一幕，我要由車跳上飛機，你問我係咪真？一半係，真係有架車駛緊，我要喺上面開槍，開槍後座力加埋架車郁緊，好刺激！（有冇用替身？）冇得用替身，因為成段好長，唔知要邊段，個cam係同你一齊去，一直影住！不過睇番自己拍完嘅效果好有滿足感，好好玩！」