吳若希遇電話騙案 一嘢KO騙徒！
20160108
東網電視
更多新聞短片
Jinny都同好多香港人一樣，收到電話騙案。
唔少香港人都遇過電話騙案，今次就輪到歌手吳若希（Jinny），不過佢就好醒目，簡直係「警訊」主持上身，向大家示範點樣一嘢K.O.騙徒！
Jinny將騙案電話錄音，仲擺埋上網，對話中操普通話嘅騙徒聲稱受托於Jinny，要將個包裹由上海寄到香港，問Jinny收唔收到，Jinny就冷靜咁以純正普通話回敬對方：「我沒有寄過。」之後騙徒窮追不捨，Jinny隨即霸氣咁話：「你知道嗎？你這種電話騙案，我們在香港已經有很多新聞報道過了。」最後騙徒終於知難而退，即刻Cut線，搞到Jinny都冇晒癮，佢將錄音放上網，留言話：「佢cut我線⋯⋯⋯ 搞錯！咁無禮貌嫁（架）！bye bye都唔講聲！」原來Jinny早前都已經經常收到類似電話，但就忙爆冇咁得閒理會啲騙徒，依家有時間佢就趁無聊同騙徒玩吓，佢再留言：「本來很期待玩電話騙案，但是xx跟xxx連續幾天每天都打給我，我都很忙沒空玩，可是今天他們還是鍥而不捨地打來，所以就跟他們玩了一會兒…」大家都要學吓Jinny咁醒呀！
其實一聽到係速遞兼係講普通話都估到係電話騙案喇，啲騙徒不如下次試吓講廣東話，但係要純正嗰隻喎！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：