仔仔擺喜酒　車淑梅家傳鑽戒贈新抱

前電台高層張文新連同太太車淑梅的兒子Dickson和女友Crystal在酒店擺喜酒，張學友、徐小鳳、李克勤、陳百祥等到場祝賀。

車淑梅與老公受訪時坦言對兒子結婚已等了多年：「呢個係一直夢想嘅事，可以娶個叻、乖、孝順、賢良淑德嘅女仔，新抱除咗靚之外品格更高分，所以好開心。」她更表示為了兒子特意報讀婚禮統籌，不過今次沒有參與兒子婚禮構思，問到新抱值幾多分？她說：「100分加粒星！」她又透露送贈家傳之寶給新抱：「我送咗媽咪畀我嘅鑽戒畀佢，係家傳之寶。」

張文新則笑言沒太太細心，但直言比當年自己結婚更緊張：「車淑梅要求高，要一年前做足，嗰啲吉時、過大禮呀，今日要五點起身，要喺吉時上頭等。」他們表示本想低調處理，但後來考慮不如邀圈中朋友分享喜悅，最後筵開46圍，他們更表示曾邀葉家寶出席，可惜對方今日出埠。

至於問到會否想抱孫？車淑梅直言：「梗係想啦！妹妹喺呢度擺生咗孖胎，而宴會廳又係叫Crystal。（有冇咩寄語畀新人？）結婚梗係要搵好人，但首先要做好人。」張文新則說愛情是要慢慢培養，行細水長流。