玩未婚生仔？羅仲謙：承你貴言啦！
20160110
東網電視
更多新聞短片
羅仲謙雖然就未講幾時結婚，不過睇嚟唔介意生咗仔先結噃！
藝人羅仲謙現身屯門為新片《西遊記之孫悟空三打白骨精》宣傳，問到是否肖猴？謙謙表示自己屬鼠，女友楊怡則屬羊，反問記者自己有否犯太歲？他笑說：「自己愈來愈信，年尾都會拜吓神。（有算過命？）算命就冇，有時撞到玲玲（麥玲玲）都會問幾句。（今年考慮結婚？）一直以嚟都有計劃未來，覺得合適嘅時候就會將件事做得最完美。（求咗婚？）咁快？其實我依家都32歲，有計劃好正常。早兩三年都有諗將來嘅事，覺得呢啲係工作嘅動力。」
搞爛Gag冇「傷風」
問到若麥玲玲指適合結婚，會否行動？謙謙笑言：「咁呀，見到玲玲師傅要當面問吓佢，係先算啦！（35之前結？）自己就冇綁死自己。（生咗仔先結？）承你貴言啦！」問到會否帶女友楊怡支持新片？謙謙表示：「當然會啦，自己入行都十一、二年，今次係一個好難得嘅機會，同好多前輩合作。（同阿怡度期睇戲？）1、2日使乜度呀！（幾時派雙封利是？）傷風？我好健康喎！（會唔會秘婚？）唔會，依家邊會有秘密。」
帶楊怡返圍村拜年
圍村長大、身為客家人的謙謙，被問到會否帶阿怡返圍村拜年？他表示：「圍村會有舞龍舞獅，都想帶對方感受吓傳統氣氛。（第一年帶阿怡去圍村拜年？）我會帶嘅，但唔會答你之前有冇。（好似胡杏兒咁拜祠堂？）祠堂唔喺香港。（教阿怡講客家話？）自己都唔識，教佢唔到。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：