《矛》網上成績佳　JW錄新歌有壓力

歌手王灝兒（JW）出席創作比賽活動，問有作詞經驗？她透露甚少作詞，皆因中文不好，但兒時曾寫英文詩，說：「寫詞唔係想寫就寫到，又要啱音等。（作英文詞？）會易好多，睇吓有冇機會。」談到去年歌曲《矛盾一生》網上成績不俗卻未能在頒獎禮獲獎，問會否失望？她解釋：「一早知喇，因為遲派台已經截咗止，不過MV喺兩個半月過到二百八十萬，同埋網止平台都有好成績。（之後有冇壓力？）有呀，錄緊新歌，唯有唔好諗，一諗就影響情緒。」

另講到吳業坤在頒獎禮大滿貫奪所有新人獎，問有否叫對方請食飯？她說：「冇呀，但我哋有叫佢慶功，我都有喊，除咗開心自己嘅成績，都戥佢開心，始終佢出道耐亦咁辛苦。（你睇嗰陣有冇喊？）有喊埋一份，我好易喊，嗰陣坐我隔籬係鍾舒祺，佢係咁畀紙巾我。」

然而坤坤在instagram公開答謝關心妍前易服男助手阿小，暗示對方是其「背後女人」，問JW有否懷疑他疑似轉性向？她大笑說：「唔知呀！佢咁可愛實有好多人鍾意同寫佢。（八卦吓？）呢個太ridiculous，冇乜可能！」