暗示仲係處女　何傲兒暗寸周子揚唔專一

藝人何傲兒（Lily）自與周子揚爆出風波後首次出席商場活動，她公開表示希望今年能找到真命天子：「希望是非遠離我。（男友條件係咪要有錢？）真誠善良專一，我想講我係幾唔開心，我覺得唔係事實就唔需要去澄清，但由聖誕到依家，件事發生到咁大，我係有責任去捍衛屋企人。」

得到經理人精神上支持

她又透露已在上周向周子揚發出律師信：「寄咗幾日，佢應該收到。（寄去公司還是屋企？）屋企。（你哋仲有冇聯絡？）由九月開始就冇聯絡，最唔開心係影響我成家人，係最唔舒服。（你哋拍咗拖幾耐？）拍咗一段時間。」

她又強調：「我想講林生（林建名）同佢屋企人精神上好支持我，我講一次又好、幾百次又好，你哋信唔信又好，我同林生只係上司同工作上嘅關係。天主教徒朋友都好支持我，叫我先處理好心情，依家我心情OK，可以處理呢樣嘢。」她又補充當日加盟新公司時，期間收到的鑽石只是贊助：「其實嗰件事好好笑，只係sponsorship（贊助），如果係嘅話，我唔使做得咁辛苦啦，呢樣都好影響我。」

虔誠教徒：守住好多嘢

她又透露與周子揚在九月正式分手，並再三強調自己是虔誠的天主教徒，並暗示還是處女之身：「我都仲係好虔誠天主教徒，守住好多嘢。（守身如玉？）守住好多嘢，好多教規。」

另外，她又暗示分手原因是與周子揚有關：「我份人好專一，周生最清楚。（咁係咪即係周子揚劈腿？）佢自己最清楚，爸爸教我做人要有口德，呢個係你自己嘅修為。（出律師信最終目的？）想佢公開道歉。（限期？）細節方面唔講，已經交咗畀律師處理。（之後帶眼識人？）係啦！」她揚言擇偶條件善良同專一。

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment