陳寶珠阿嗲合作《牡丹亭驚夢》掀撲飛潮

梨園經典之作、唐滌生先生、任白戲寶《牡丹亭驚夢》再重現舞台，由任白入室弟子陳寶珠、梅雪詩（阿嗲）領銜主演，合演的還有多位大佬倌尤聲普、任冰兒、阮兆輝、廖國森等。

早前公喜訊後，陳寶珠及阿嗲已不停接柯打訂飛，門票還未正式開售已火速欠下一身飛債，寶珠姐還笑說：「追到我索氣仲好！」阿嗲則表示樂於欠債還飛！任白戲寶這套戲寶，已定於5月7日至16日香港演藝學院歌劇院演出，1月18日至22日是優先訂票日，寶珠姐與阿嗲兩年前已合作演出《再世紅梅記》，當時門票一開售就被搶購一空，叫好又叫座，更演出多達22場次，粉絲們等候她們的新作品多時，今次又要再掀起陣陣撲飛潮。

今次演出老闆家人林百欣太太余寶珠特別約寶珠姐、阿嗲和奚仲文飯局相聚，眾人暢談甚歡，一向醉心粵劇的林老太與陳寶珠、阿嗲私交甚篤，所以對於今次演出林老太極力支持，相信林老太便是她們買飛大債主！主辨單位稍後會安排在紅隧口掛上大型宣傳海報，在席間寶珠姐、阿嗲及奚仲文齊齊挑選這幅大型海報，大家給與不少意見，並對海報十分讚賞！

Enjoy欠飛債

寶珠姐與阿嗲在較早前為《牡丹亭驚夢》拍攝海報，二人穿上純白色戲服襯到絕，而且又戲癮大發擺出多個不同造手！早前寶珠姐在生日宴上公布演出喜訊後，她們便頻頻接訂飛柯打，寶珠姐笑說：「好多朋友、粉絲好踴躍支持，有啲甚至會包場來看，或者會睇足咁多場，所以我最鍾意欠一身飛債，歡迎追到我索氣仲好！」阿嗲表示還未公布演出消息，已有粉絲向她撲飛，她開心說：「大家真係好支持，我唔介意欠飛債，愈多愈好呢！我好願意償還呢啲債！」

今次由著名金像獎設計大師奚仲文擔任美術及造型總監，有部份戲服由北京全新訂造回來，寶珠姐表示，這次演出是不惜工本之作，因為現在人工、布料物價上漲，有些戲服要花上數月才能製成，據她所知自己要換上約7、8套戲服，全體演員的戲服費用大約接近七位數字！寶珠姐表示，為了讓觀眾在台下看到他們的優雅和美感，戲服設計費盡心思，而且由經驗豐富的團隊在背後付出很多心血而成。阿嗲在戲中是飾演一名富家千金，其中有兩場戲則要變成女鬼，所以在戲服上會變化較多，她笑說：「我自己好似做花旦一樣很貪靚，我啲全部身家就放喺戲服上，我對仲文哥哥嘅設計十分有信心，拍攝海報的戲服便是第一件完成的戲服，雖然我有兩場戲是扮演一名女鬼，不過要做到鬼火咁靚的鬼！」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment