寸周子揚唔善良　27歲何傲兒暗示係處女

何傲兒去年九月與周子揚分手後，周子揚在聖誕節期間突爆大鑊，指遭何父施壓被迫分手，更聲稱Lily家姐何傲芝曾向他苛索20萬元生活費。Lily與何傲芝曾就周子揚的指控發聲明，明寸對方言論是「最好的聖誕禮物」，惟當時周子揚企硬揚言不怕控告！上周五（八日），周子揚突轉口風，自稱當時「激動咗」，又聲稱與何家關係之前十分良好，可說峰迴路轉！

認以後要帶眼識人

周子揚突改口風，明顯與Lily的升級反擊有關！昨日Lily在風波後首次公開露面，出席商場花展活動，期間與黃智雯一同插花及寫揮春，心情似乎未受影響。Lily受訪時透露這次風波令她有感要保護家人，故上周她與家姐何傲芝已向周子揚發出律師信，目的是希望他可以公開道歉：「寄咗幾日，佢應該收到。（寄去公司定屋企？）屋企。（出律師信最終目的？）想佢公開道歉。（限期？）細節方面唔講，已經交咗畀律師處理。（之後帶眼識人？）係啦！（你哋仲有冇聯絡？）由九月份開始冇聯絡，最唔開心係影響我成家人，係最唔舒服。（你哋拍咗拖幾耐？）拍咗一段時間。（佢突然轉口風！）我唔知點解佢會咁講！」

「我守住好多嘢」

自言是虔誠天主教徒的她，自爆獲身邊教友支持，言談間暗示27歲的她還是處女之身：「我都仲係好虔誠嘅天主教徒，守住好多嘢。（守身如玉？）守住好多嘢，好多教規。（係咪因為性方面而分手？）我份人好專一，周生最清楚。爸爸教我做人要有口德，呢個係你自己嘅修為。」

聞林建名緋聞勁勞氣

提到與老闆林建名的緋聞，她勞氣地說：「我想講林生同佢屋企人精神上好支持我，我同林生係上司同工作上關係，上次我加盟新公司佢送畀我粒鑽石，只係Sponsorship（贊助），如果係幾百萬嘅話我都唔使做得咁辛苦啦！呢樣都好影響我。」在台上的亦她希望今年可以找到真命天子：「都係呀！希望是非遠離我。（男友條件係咪要有錢？）真誠、善良、專一，我想講我係幾唔開心，我覺得唔係事實就唔需要去澄清，但由聖誕到依家，件事發到咁大，我係有責任去捍衞我屋企人。」何傲芝昨日透過電話回應時指，妹妹的感情事讓妹妹去回應，相信妹妹沒有針對任何人或事，亦絕無幻想。

周子揚認之前衝動

周子揚則承認已收到傲兒及其胞姊何傲芝的律師信，並多次表示希望盡快平息事件，他說：「唔回應咁多喇！交畀律師處理。（後悔之前激動爆料？）可能係累積同抑壓太耐有感而發，我承認激動咗！我哋曾經有段美好感情，但因為係公眾人物，要畀晒全港人睇，咁唔健康！」對於傲兒暗示有人有第三者，子揚澄清一直沒有劈腿：「冇第三者！我到依家仲係單身！」提到傲兒表示自己是天主教徒嚴守教條，問子揚兩人是否沒有親熱行為？他說：「吓？呢啲都要講？太尷尬喇！（分手原因之一？）唔關事，我哋係正常男女朋友，絕對唔係呢啲問題，不嬲感情好好，分手係因為各方面壓力。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment