SIS攞完新人獎工作減少　望圓置業夢

組合SiS樂印姊妹到電台宣傳新歌《新世界》，兩姊妹表示新歌首次加入愛情元素，妹妹駱胤嗚笑言：「不嬲都有拍拖嘅，不過冇寫落去，可能人大咗就覺得人生要多啲彩色，如果愛情同家庭都兼顧到就好喇。」問到是否是想組織家庭？兩人笑言：「我同家姐個家庭好幸福。（有冇諗擴大？）我哋想養多隻貓。」有拍拖的妹妹又話未有打算結婚，因為覺得現在社會和教育制度不適合結婚。兩人又笑言：「平時啲歌寫到咁正能量，講到咁灰，希望新公司聽到我哋首歌會Sponsor我哋。」

願望一人買一個單位

兩人又表示有打算買樓，而前年的成績因為很好，所以已經用了筆錢裝修了屋企：「新人大家係會錫住啲嘅，但自從拎咗叱咤新人變就應驗咗吳業坤嗰句消失咗。（少咗好多工作？）冇咁充實囉，之前朝九晚九。（收入少咗？）其實都差唔多，想多啲就可以快啲買樓，太慢追唔上個樓價，想儲幾百萬，依家差幾百萬。」兩人表示願望達成想一人買一個單位，但一齊住再將另一個放租：「同埋我哋想同媽咪住近啲，都係同一區咁，咁就可以黐餐慳一筆。」

講到新一年大計，兩人表示會推出新碟，而隨碟會有一本書：「喺書展前出，唔夠寫真鬥。（影埋寫真？）唔好，好驚啊！我哋書會係文字，解讀番唔同歌嘅由來，係BCD好抵買，都會有以前啲歌嘅。」