梁烈唯患中漿病入院做手術 網民照插

20160114
東網電視
更多新聞短片
唯唯今次入院做眼部手術,希望佢一切順順利利!
藝人梁烈唯(唯唯)上年被《東網》拍得到眼科專科診所就醫,他當時透露眼部生水泡,但手術有一定風險,醫生表示暫時不須動手術。不過,原來唯唯早前就被指患有眼疾「中漿病」,最近又復發,所以要入醫院做手術。
噚晚佢就喺網上貼出入院照片,仲話瞓唔着搞到好悶:「好悶!但是還是要早點睡覺啦!其實唔早嘅,係平時太夜啫!我覺得瞓到囉!」今早佢就再上載自拍,留言:「準備好了!」估計佢即將進行手術。
患者多為20至50歲男士
到底「中漿病」係咩?原來全名係「中心性漿液性脈絡膜視網膜病變」,會導致視力模糊,甚至係出現扭曲嘅視野,仲經常會出現盲點或灰點,患者多數係20至50歲嘅男士,不過都會慢慢痊愈,或者係做個「小手術」都會好番。
躺着也中槍
唯唯入院做手術,網民們當然有嘢講,有網友關心佢嘅病情之餘,亦都好關心中漿病嘅成因,不過有網民對於唯唯做手術前都要掛住自拍唔多喜歡,留言寸爆佢,唯唯今次真係躺在也中槍。