周殷廷執導自己MV　表達最原始視覺聽覺

歌手周殷廷（YanTing）到電台宣傳新歌《自我催眠》，他表示歌曲是在自己在新加坡當兵前創作：「呢首係我頭幾首作嘅歌，喺追夢途中有好多疑惑，唔知首歌大家鍾唔鍾意會唔會用，依家可以錄成歌，仲plug埋，個感覺係終於做到呢件事。」他又指創作了多首歌曲，之前沒有採用是因為與他的歌路不太適合：「希望2016年可以用多啲，因為自己寫畀自己嘅歌係最啱自己把聲嘅！」又謂希望下年能嘗試R&B的曲風。而YanTing之前曾為吳雨霏等歌手執導MV，他表示今次最開心是終於能為自己的MV執導：「我覺得視覺同聽覺如果一齊由歌手去表達，會係最原始，冇畀人改過。」又謂歌曲想表達男人分手後的旅程，所以MV採用了一鏡到尾的拍攝模式。

講到2015年的表現，YanTing坦言覺得滿意：「我15歲就好想唱歌，我屋企唔係音樂世家，但我都好想唱，所以可以出到道已經係賺咗，同埋喺頒獎禮度好多前輩教咗我好多嘢。」問到可會覺得被同期新人吳業坤搶晒鏡？他說：「唔會，個個新人都好努力，佢都努力咗幾年，唔容易嘅，見佢攞獎我都戥佢開心。」