周曉彤同經理人和平分手 MVG正式解體

20160115
東網電視
更多新聞短片
周曉彤(Ivy)早前成功與經理人漢洋提前解約,同時宣布MVG正式解體!

已解散的MVG成員周曉彤(Ivy)早前成功與經理人漢洋提前解約,同時宣布MVG正式解體,Ivy去年底順利完成與前公司最後一個工作,她以背心短褲拍攝醫學美容廣告,Ivy自爆曾游說廣告商幫我微調,她說:「想叫佢哋係個鼻到打透明質酸,因為我想個鼻高啲,不過老闆同負責人話我唔使打個鼻都夠高,當時都有少少唔開心,可能佢哋見我失望最後送咗瘦面針畀我。」

問到擔不擔心打上癮?Ivy說:「唔會,因為會流失。」隨即大讚瘦面針極度有用,她說:「打完先拍廣告,上鏡塊面真係瘦好多,不過過咗一輪流失晒又脹番。」Ivy強調不接受整容,她說:「打針嗰啲因為會流失可以接受,如果開刀整就唔係幾好。」

已成為自由身的Ivy透露主力到內地工作,問到有否簽約新經理人?Ivy說:「未有。」隨即感激漢洋體諒,她說:「佢好好,我一問佢可唔可以解約,佢即刻答應,其實我同佢仲有兩年約,MVG冇咗,佢都唔想阻我去路。」