宣萱唔會放棄領養中年犬：走一隻養一隻

藝人宣萱及吳國敬以大使身份出席狗狗領養嘉年華，宣萱與嘉賓謝雪心帶同愛犬到場，上台與市民分享寵物經及養狗的樂趣。

愛心爆棚的宣萱表示家中有三隻狗、兩隻貓，兩年前收養最新一隻黑色唐狗，當時牠只有六歲，現時八歲，並指收養中年狗隻並非大家想像中困難：「好多人以為狗隻由細開始易教啲，其實唔係，我隻中年狗好乖，好似識聽人講嘢咁，佢好似知道跟着我就有使命，要做大使幫啲同類遭遇嘅狗狗咁。（捧佢做狗明星？）咁又唔會，但會帶佢出席呢類活動。（養中年狗有咩要注意？）主要係經濟問題，因為中年狗始終多啲病痛。」宣萱表示已經歷九次寵物離世，已練出「強心臟」克服傷痛，因此會繼續領養寵物：「我會一直養，我宗旨係走一隻，養一隻。」