【消失3年】閻奕格狂唱廣東歌回饋歌迷

20160117
東網電視
更多新聞短片
閻奕格表示自己一直都好鍾意廣東歌。

華語女歌手閻奕格(Janice)假九展舉行音樂會,獲好友組合Robynn & Kendy到場支持。甫開場,Janice以一身藍白色的連身裙現身唱出《綠光》,唱畢後她表示:「Hello!大家好!講廣東話啦喺香港,無諗過今晚會爆,好耐冇返香港唱歌,好開心仲有機會,好開心大家仲記得我。3年喇!上次係2012,今次係一個新嘅閻奕格,開心嘅、開朗嘅享受音樂。」她又講到曾在香港住過7至8年,聽過好多廣東歌,現在住在台灣比較少機會唱廣東歌,所以今次更要唱多啲:「以下嘅3首歌大家都識,希望大家鍾意。」並唱出《情人》、《追》、《祝君好》。

第一次唱自己新歌

一口氣唱完三首廣東歌後,Janice就話一直都好喜歡廣東歌:「我音樂老師都嚟咗,我一開始學唱歌就係廣東歌,廣東歌意義好大,可以唱廣東歌真係好開心。」 Janice表示大家應該是從2010年《星光大道》認識她,過了5至6年後,她才覺得是上年才正式出道:「正式嘅歌手要有自己歌,隔咗5年終於出自己歌,之前未唱過今日第一次唱Live。」再唱出新歌《我何必》。

曾經收埋自己3年

超感性的Janice唱完後再次多謝歌迷,直言可以唱屬於自己閻奕格的歌感覺真好:「休息咗3年,對我嚟講係件好唔開心嘅事,身體出現好多問題,肥咗好多,心理都好唔開心,有啲人會唔鍾意,我就會覺得係咪的唱得唔好呢?好負面好冇自信,收埋咗自己3年,2年喺台灣,父母有時會問『我係咪好忙啊?』但其實我冇接Job匿埋咗喺屋企,有時會坐喺梳化唱歌,唱唱吓會喊,因為我曾經擁有舞台,但結果得番我自己,曾經有諗過放棄,但當時我好掛住大家,今晚見返好多熟悉嘅面孔,你哋冇放棄我,多謝大家。」並唱出最表達到自己心情的歌《我好想你》。