大讚孖仔得意　蔡加敏：加讚唔捨得放手

蔡加敏到醫院探望兩名姪仔，她於下午約兩時離開，她大讚孖B好得意，亦有傳授湊孖胎秘訣，並透露圓圓是開刀生B。問到孖B似邊個？她表示：「兩個都似，又似家姐Celine（蔡加讚大女）。（BB英文名有咩意思？）問Karson，佢琴晚陪圓圓到依家。（Karson抱BB抱到唔捨得放手？）係呀。（圓圓感動到喊？）有。我都有抱BB，兩個一齊抱，都好重手。（送咩畀佢？）等佢出院。（帶小朋友嚟探表弟？）會，小朋友知都好開心。（叫小朋友分享玩具畀表弟？）會。（Celine好期待細佬出世？）係，恨咗好耐，佢（Celine）見咗細佬又摸又抱。」

另外，汪圓圓昨日誕下孖仔，表妹湛琪清（Jessica）除了在Instagram上載孖仔照片開心share外，還即日前往醫院探望他們，不過Jessica今日表示因身體不適，為免傳播病菌，所以今天不會探望圓圓及一對可愛孖仔。