只差一點點！何浩文預告向唐紫瓊表白

藝人何浩文（Dominic）現身電台宣傳國語新歌《不知所措》，透露新歌是講對愛情的看法：「發現愛情係輪迴，做番一樣嘅嘢，好似食飯睇戲行街，只係個人唔同咗，最唔同地方係要取決自己心態。（厭倦拍拖？）唔係，我鍾意分享身邊見到嘅嘢，發現如果真係遇到啱嘅人，就會改變自己心態。」

被人用分手要脅

而問到拍拖試過最難頂的女仔是怎樣？他表示：「以前好憎啲拜金嘅女仔，依家更唔鍾意一啲唔肯捱或唔肯體諒嘅女仔，小小衝突就話要用分手威脅，迫你就佢，我都遇過呢類型女仔。（咁你點？分手？）一開始都諗係咪自己問題，但一對筷子敲唔響。（咁你會唔會怕女仔做主動？）唔會呀，我好鍾意，因為當我對女仔有好感時，我未必識同佢溝通先，我鍾意講爛gag，但如果佢唔鍾意爛gag，咁我就冇咗呢啲機會，所以最好就佢主動先，後面就交畀我。」

差表白未撻着

問到做空姐的緋聞女友「翻版糖妹」唐紫瓊可是主動型？他表示：「唔係佢做主動，我哋係一班人咁識，嗰時已經不停講爛gag佢聽，佢又啱傾，所以自然發展緊。（佢符合你要求？）so far都係，但多數未一齊就開行turbo先，但都覺佢善良，所以繼續了解。（了解咗好耐？）我謹慎起見，因為遇過唔好嘅case，同埋依家工作忙，唔敢亂嚟，費事一齊咗冇時間陪佢。（仲未算拍拖？）踏入緊，差個位去表白，依家等一個romantic moment表白。（趁情人節或元宵佳節表白？）但我要去美國拍MV，佢都要做嘢周圍飛，睇吓到時夾唔夾到時間見面，睇吓拍完MV之後點先，我都想得閒見面。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment