【清晰样】孖B大不同 细细个表情多多
20160119
东网电视
更多新闻短片
蔡加赞与太太汪圆圆和一对孖仔亮相喇！
蔡加赞（Karson）太太汪圆圆昨日诞下孖仔，蔡家一片喜气洋洋，成为两子一女爹哋的加赞被问到心情，他说：“见证两个小生命顺利诞生，我感到非常开心同感动，母子平安健康良好！自己同家人亦感到无比喜悦，希望佢哋健康快乐地成长！”
而圆圆则开心得不敢相信，她说：“依家感到好安心，两个儿子体重分别有6磅同6.5磅。因为见到两个BB都好健康，自己刚刚生完觉得好攰，暂时喺家人同老公照顾下喺医院好好休息，感谢大家关心、祝福。 ”
孖B似爹哋
问BB似边个？圆圆与奶奶蔡李惠莉均觉BB似爸爸，圆圆说：“觉得两个BB都好似爸爸，佢哋暂时未开眼，但已经见到鼻同嘴轮廓，同爸爸好似样！”
孖B英文名分别是Christian及Kameron。被问改这个名的原因？加赞说：“Christian系上一胎时已经同圆圆谂好，生男取名Christian，生女取名Celine，所以今次大仔就用咗Christian呢个名字。而Kameron，字头由‘C’改为‘K’， 原因佢哋系孖胎，个名唔想太相近，希望保持佢哋独特个性。（中文名呢？）仲未改，觉得中文名好重要，要慎重思考。”观乎相片，“大哥”Christian keep住口擘擘，“细佬”Kameron就嘴扁扁咁，劲萌。
半身麻醉剖腹产子
被问顺产或剖腹？圆圆说：“医生建议孖B开刀比较合适同安全，所以半身麻醉剖腹产子，但今次较上一次生Celine时会辛苦一啲。（会喂人奶？）会。（BB系咪identical twins？）两个BB好似样，但系唔系identical twins（同卵双胞胎）。医生话要迟啲先确定到。”
双倍兴奋双重喜悦
问加赞、圆圆做第二任父母心情与第一次有何不同？两人异口同声说：“心情一样咁兴奋，无论第一任同第二任都系我哋人生嘅重要阶段，今次亦因为系Twins嘅关系，双倍兴奋双重喜悦，佢哋出生一刻更系难以形容！”问是否能分辨两个儿子？圆圆表示未识分辨，但身为父亲的加赞已经识分，而且觉得他们分别很大，并说：“个样完全唔同。”
多抽时间陪圆圆
廿四孝老公蔡加赞陪太太汪圆圆入产房，他说：“有陪太太圆圆入产房，亦有为两个宝宝剪脐带，都会将多啲时间陪太太同BB，尽量将手头嘅工作调动吓。（送咩奖励太太？）觉得母亲伟大，因为整个过程见到佢好辛苦。会多抽时间陪伴太太同BB。”至于会送甚么给太太，他表示待BB和妈妈出医院后会有安排！问何时出院？蔡加赞说：“暂时未知道，休养好就出院。”
请教蔡李惠莉教育方法
问日后如何培育孩子成才？圆圆说：“会请教奶奶，觉得奶奶教得Karson很好！所以已经知道培育的秘笈，就是请教奶奶！”圆圆又透露大女Celine已见过两个细佬，她非常雀跃并大叫baby、baby…问会否为孖B举行百日宴？加赞说：“暂时未有谂，依家太太都专心养好身体先。”
赶得切新年逗利是
之后，圆圆衷心感谢大家的关心和祝福：“我哋感到非常开心，Christian同Kameron喺1月18日顺利诞生，系上天畀我哋嘅礼物。佢哋都系Lucky baby！能够喺农历新年前出生，赶得切逗利是！喜上加喜！”
最强娱乐APP《东网巨星》，除咗特备游戏节目《巨星放题》外，每个礼拜都仲有好多其他精彩娱乐节目。如果锺意韩风嘅，集中介绍最新韩剧、韩片同韩国最新歌曲嘅《韩剧榜》，同埋Highlight每周韩星访港精彩片段，以及报道韩国演艺圈最新动态嘅《韩风吹》绝对啱晒你。仲谂咩呀！快啲Download啦！
最强娱乐APP“东网巨星”下载连结：