衛詩雅重提跌落冰河：死過翻生

藝人衛詩雅（Michelle）出席世貿中心舉行的《糖雕藝術迎新禧》活動，即場跟日本最年輕的「糖藝大師」手塚新理製作糖藝，新鴻基地產代理租務部總經理鍾秀蓮小姐亦有出席。

對於早前在大陸參加真人騷時不慎跌落冰河、及後暈倒被送入院，談及此事時她猶有餘悸。問身體狀況如何？她表示已經康復，沒有留下陰影，只是問起便會感觸、激動，她說：「自己好似死過翻生咁，同死亡距離太近。」她透露身體和心靈上已經康復：「依家好番，體能好好，仲跑咗10K，個人完全覺輕鬆晒，見到人哋着羽絨我仲着短袖。心態上都康復，自己變得好強大，原來我可以堅持得咁緊要。」

「嗰一刻我想起母親」

Michelle又指拍攝時過程驚險，一次不小心跌入冰河，下面原來是沼澤，身體一直往下沉，幸好旁邊有人拉她上來，否則好難想像會發生甚麼事。她說：「差不多完結時，另一個人喺急流冰河上面企唔穩，我捉住佢，但佢就暈咗，我大叫救命，佢送咗入院，我仲喺河邊激動到喊，然後我下身冇晒知覺就暈咗，嗰一刻我合埋眼，以為以後唔會再張開眼，好在攝影師識急救幫我做心外壓，嗰一刻我想起母親。」