湯碗胸羅霖VS低胸露背麥家琪

藝人羅霖、麥家琪、張文慈、筱靖等以性感晚裝到荃灣出席晚宴，羅霖谷出湯碗胸搶鏡，而麥家琪則以低胸露背裝示人，相當吸睛！接受訪問時，羅霖透露網店已經開始運作，而且反應踴躍，她笑謂：「自己都買咗好多嘢，好似人形攬枕會送畀朋友同個仔，自己訂得最多嘢。（有冇叫男友買嘢？）得佢一個買唔夠，要好多個男朋友先夠。（攬枕銷量好嗎？）幾好呀，有我個樣，幾受歡迎，仲有杯、咕?磁磚都有我個樣。（會唔會出貼身產品？）男女裝內衣都會有，但就唔會有我個樣，會設計得靚啲，自己都會着。」

拍劇要顧家庭生活

已為人母的麥家琪近期頻頻出席活動，她說：「係大家以為我唔做啫，其實我好自由，做又得，唔做又得，之前都有返大陸拍網絡電影。（會唔會拍劇？）拍劇太長時間就唔得，始終要照顧三個小朋友，大仔8歲、細仔5歲、細女就3歲，雖然有人幫手睇功課，但都要畀時間陪佢哋，不過，有時返大陸拍電影幾日，都可以訓練下佢哋獨立。」麥家琪透露大仔搵學校讀書順利，細仔則仍未找到學校，令她甚為煩惱。雖然她將來也打算送子女到外國讀書，但也希望他們先學好中文。