五強止步唔失望　麥明詩：可能係先天不足

香港代表麥明詩於華姐比賽中五強不入，失落三甲的她賽後接受訪問，問到有否受打擊？她說：「冇嘅。（覺得失望？）結果好合理，自己今晚都有好多嘢不足，要返去睇吓帶先，可能係先天不足，今晚評判團同港姐嗰班唔同，審美條件都唔同。（對賽果感意外？）唔會，一路都公布緊領先三強嘅分數，自己成績都係中間位置。」

被指為人生勝利組的她，被問到是否人生輸得最慘烈一次？她說：「唔係，人生都輸過好多次，今次係大型國際比賽，規模同水準係國際級，合理嘅，自己會再努力，去提升自己，今次唔當自己輸，係好好嘅歷練，三甲都係我心水。」