高海寧繼續密冚戀情 唔認同鄧智偉有緣

20160124
東網電視
更多新聞短片
高Ling繼續秉承「地下傳統」,避談鄧智偉。

藝人高海寧(高Ling)、胡蓓蔚(豹嫂)以及李施嬅到取場黃竹坑拍攝無綫新節目《為食三姊妹》。最近高Ling被《好報》踢爆與音樂才子鄧智偉發展達三年地下情,今日她受訪時繼續秉承「地下傳統」,稱自己是去該屋苑找宋熙年:「有時陳生(陳智燊)唔得閒嘛,阿準陳太(宋熙年)好悶,所以我陪佢shopping、做運動,咁我又未有伴喎,佢咪係最佳人選囉,佢嗰度有gym room嘛。(鄧智偉附近有活動喎。)我真係唔知喎。(有緣?)咁都關我事?唔係我安排㗎喎。(你喺嗰邊泊月租車位?)咁陳智燊同宋熙年都有車位,佢哋唔喺度我咪可以泊囉,唔使泊時租。」

豹嫂為高ling解

提到高Ling與鄧智偉有緣分時,豹嫂嘗試利用三位主持的緣分來為高ling解圍,施嬅更謂:「阿鄧生可能同我哋(與豹嫂)有緣啲,我哋『胡說八道會』要唱歌,叫佢寫隻歌畀我哋。」雖然高Ling亦試圖叫單立文為《食》寫主題歌,惟豹嫂今次並不幫忙:「單立文好忙㗎,冇時間!」施嬅聞言即插話:「叫兩個人(鄧智偉、單立文)一齊寫。」豹嫂謂:「都可以。(高Ling唱?)三個一齊唱。」

施嬅認廚藝最叻

提到今次三位為《食》擔任「煮」持,問三位誰人廚藝最了得?施嬅笑稱理論上自己最叻,郤惹來豹嫂揶揄謂:「你有冇諗過其實有啲人係好叻但係好低調?其實高Ling係叻啲,因為佢主持過好多飲食節目。」而之後高Ling就謙虛自認只有概念「主」多過煮。

不過施嬅表示對三位主持的廚藝了得大感驚喜,豹嫂更笑言三人煮食似比賽:「施嬅煮海南雞飯,有四分三張枱都係佢啲嘢!」