瑪姬碩士畢業想開教育中心做星級校長

藝人瑪姬日前正式畢業成為香港大學應用語言學碩士。主修英文的她笑言Part time讀書時被同學及老師投以奇怪眼光，令她哭笑不得：「兩年內開工又讀書都辛苦，而且所有同學同老師都覺得我好奇怪，因為讀呢科嘅人通常都會教書。」瑪姬自爆考上碩士與伍詠薇哥哥伍經衡（Richard Eng）甚有淵源：「我同佢喺電台合作咗四年做主持教英文，當時我邊開工邊偷師，經佢鼓勵下膽粗粗報碩士！」

談到畢業後的她想專注幕前或幕後工作？瑪姬自爆想成為「星級校長」教導小朋友：「我幕前同幕後工作都想接，不過最想成立教育中心教小朋友。（想做星級校長？）希望啦！依家儲緊錢。」問到大計多多的她何不於讀碩士期間把握時間搵另一半？瑪姬笑說：「我應該唔會搵老師拍拖，香港難搵好男仔。（接受異地戀？）試過喇，情傷得好重，唔會再考慮。」