43歲鄺靄慧仍恨生BB:唔介意人工受孕

20160128
東網電視
更多新聞短片
Ava每日忙到淨係瞓得4、5粒鐘,但熱愛工作嘅佢從來唔覺得辛苦。
養和醫院院長李維達太太鄺靄慧(Ava),是港大外科學系臨床副教授,更是香港遺傳性乳癌家族資料庫創辦人。Ava每天忙着做照顧病人、研究、慈善工作等,忙碌時每天只能睡4、5小時,絕對是「工作狂」。
她常笑指「醫生都係人」,亦會感疲勞,但慶幸自己熱愛所做的工作,所以從不覺得辛苦。她表示:「其實有時我都會同老公呻攰,佢畀到好多精神上支持我,同我講我做緊嘅嘢好有意義。其實我可以唔做,係我自己唔捨得。」雖然夫婦倆都是大忙人,但兩人會好好珍惜相處時間,Ava說:「老爺李樹培有個『金石良言』畀我哋,無論幾忙都好,都要有Quality Time(寶貴時光)。」她透露每日與老公最少傾談5至15分鐘,假如有兩、三天假期,便會爭取時間與老公去一個短程旅行充充電。
「科技幫到人」
Ava把光陰都努力花在醫學上,現年43歲的她,坦言從前因不斷的讀書、考試及排山倒海的工作,而錯過了生育的黃金時間。問她曾否感後悔?她想一想,續說:「冇!每個人嘅人生計劃都唔同,我都做到好多嘢,好開心。不過我畀大家嘅建議係早啲生,一來冇咁多困難,二來有多啲精力湊。」但她坦言至今仍未放棄生兒育女,她會先嘗試以自然方式懷孕,若到一定年紀仍未成功,便會嘗試以人工方式懷孕,她說:「科技真係幫助到好多人,我會努力繼續。」
有另一個BB
雖然生B的目標暫時尚未達成,但她的另一個BB——新書《愛是最好的療癒》已面世。這部心血結晶是她花了3年時間整合從醫以來令她印象深刻的病人故事,她透露:「本書係講人與人之間嘅關係,多過醫學資訊。我寫嘅時候,都勾起好多回憶。」簽名會當天,「鯊魚女」陳細潔、名媛羅寶文等城中名人亦專程撐場。