劉依靜自爆有新歡：周永恒拍拖後有搵我
20160129
東網電視
更多新聞短片
講到「人生黑洞」…相信畀人拆散一個家庭嘅趙頌茹一定會更加認同呢個Term。
藝人劉依靜（Ruby）到尖沙咀出席3D照相館活動。早前介入周永恒與趙頌茹婚姻的Ruby，在訪問時坦認最近已覓得圈外商人新歡，更表示對方並不介意自己之前的負面新聞：「佢一開頭都畀好大信心我，佢相信真人認識嘅我，佢會自己去了解我。（今次呢個係單身嘅？）係單身呀！100%，如果佢呃我，我就唔知喇！」
隔空叫周永恒咪再搵前度
提到周永恒最近另結新歡，雖然Ruby指周永恒有發訊息給自己，但強調彼此已冇聯絡：「佢有同我講佢有一段新嘅戀情。（點解佢會同你講？）因為我一直唔覆佢，佢覺得我驚咗佢，佢叫我唔好驚，佢有新戀情架喇，叫我放心！（最後有覆佢？）冇。（都係驚咗佢？）冇必要聯絡，佢都有新女朋友，盡量唔好同前度聯絡啦！」不過Ruby表示男友很成熟，相信她能夠處理此事。
視同周永恒拍拖係人生黑洞
提到有傳周永恒新歡問人借錢一事，Ruby表示不能從表面去看事件，而自己亦不肯定。問到Ruby會否送上祝福？她笑言：「我對所有人都會祝福。（有冇後悔同周永恒拍拖？）我會形容為人生嘅黑洞，我覺得嗰年好辛苦，我依家先可以真正做番自己。（點解咁講？）嗰時我工作上面會因為呢單嘢Kick住咗，根本完全生活唔到落去，屋企人方面又唔知點解釋，唔係自己想做就做到。」被問到分開是否一種解脫時，Ruby則點頭示意，更勸周永恒做事應更加成熟。至於講到周永恒不肯與趙頌茹離婚一事，Ruby則不作回應。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：