蔡家喜事重重　蔡加怡宣布佗B逾5個月

蔡家喜事重重，繼蔡加讚與圓圓誕下孖B後，蔡加怡與丈夫陳漢驄出席慈善晚宴時，肚凸凸的加怡宣布懷孕五個幾月，問到是仔定女？她表示：「保持神秘，但自己知仔定女。（上次生女，今次生仔？）仔女都無所謂。（係咪孖胎？）唔係，但第一時間就問醫生一個定兩個。（有冇懷孕不適？）頭三個月就辛苦，食嘢差，依家好啲。今次食嘢好唔同，上胎食清啲，今次鍾意食煎炸嘢，冇益嘅嘢。」她表示有教大女，故大女會摸及錫她的肚。她表示今胎會開刀生，問到會否再追BB？她望望老公，老公表示兩個都好好。問到是否夠開兒童樂園，她笑笑口說：「都好，多小朋友。」