唔使跟族譜　蔡加讚親自為孖仔改名

玩具大王蔡志明孻仔蔡加讚出席慈善晚宴，提到到家姐蔡加怡懷孕，他表示恭喜。問到可以組足球隊及籃球隊？他表示：「足球隊就太多，籃球隊應該冇問題。（圓圓身體點？）休養緊，生兩個好辛苦。（湊仔湊成點？）盡力啦，喺BB出世之後我要返大陸做嘢啊。（孖仔係咪好難分？）之前我都分到，依家難啲。（似邊個？）細嗰個似我，人人講法唔同。（會唔會再追？）唔會。（生兩個搞盛大百日宴？）會慶祝，但睇圓圓身體點。（點獎勵圓圓？）等佢休息吓先，睇佢鍾意乜。」他透露孖仔未改中文名，不用跟族譜，會自己改。