周秀娜旅行充電　有型男埋身

藝人周秀娜（Chrissie）感情一直未有着落，DRY爆嘅佢惟有寄情工作，近期仲全力發展內地市場，又要打理內衣生意，認真分身不暇，忙到冇得抖！而Chrissie最近終於抽到時間放自己大假，去咗外地旅行兼充電嘅佢，明顯心情靚爆，呢日仲喺微博上載多張喺當地嘅靚相，其中一張相仲見到有位型男同佢合照，會唔會有機會發展異地情？Chrissie仲留言話：「假期結束了，充滿電，回去該好好工作了。」