袁嘉敏寫真唔露點　恨唔包膠殺入書展

藝人袁嘉敏為有線節目《猴年人人行好運》錄影，肖鼠的她透露去年犯太歲，故特別拜神祈求出入平安，不違言經常到內地登台，往往司機於半夜駕車時也經常切線，危險非常，令其也不敢於車廂中熟睡。

考慮影露點照自己Keep

對於在內地登台密密賺，袁嘉敏謂：「都好辛苦，做咗6年藝人終於可以去內地登台，之後又有機會拍內地電影。（之後集中內地工作？）香港我都好想做，但內地有機會又試吓，不過未試過用國語演戲，都係一個挑戰。」曾透露到澳洲拍性感寫真的她，表示其隊伍各有各忙，尚未夾到日期，更指寫真決定不露點，故應能於書展時候推出，她謂：「到時睇心情，可能去到會影啲露點自己留念。（男友唔畀？）佢好保守，都會聽佢意見，咁佢都有表明唔想我咁，我都覺得唔使包晒膠袋先叫出位。（男友連性感都唔想？）第一次同外國人拍拖，佢咁保守我都好意外。」

談到新年及情人節，袁嘉敏透露屆時男友於外地工作，故尚未計劃太多，更指對方已落order叫她不要透露太多感情事，問到會否趁節目向堪輿學家詢問感情事？袁嘉敏直言一定會，更指人長大後會想將來家庭的事。