【踩冰晒事業線】張栢芝完美複製Elsa
20160203
東網電視
更多新聞短片
點解啊，點解啊，點解咁似嘅？
仲有幾日就年初一，每年春晚都係內地各大電視台必爭之地，為搶收視，真係動少啲腦筋都唔得。好似尋晚湖南衞視直播小年夜春晚，邀得張栢芝做表演嘉賓，大家估吓栢芝表演啲乜？就係佢強項溜冰喇！今次栢芝仲要扮卡通人物Elsa，見佢戴起金色假髮、着上藍色裙還原Elsa呢個近年紅爆全球嘅卡通人物，只可以講，栢芝應該參加今年動漫節Cosplay大賽囉！
講番個表演，栢芝溜冰技術真係唔錯，做出高速旋轉、飛躍等多個高難度動作，又要畀人任拋，齋睇都覺得牙煙，仲露埋事業線，真係好搏。佢仲話：「依家我都30幾歲做人媽咪，啲動作真係幾難，我呢個年紀做真係骨頭都碎埋，而且現場唔係真溜冰場，動作會有偏差！」不過，栢芝最後都可以完成Mission，唔少網友仲大讚佢嘅專業，不過佢唱歌就......有網友就話：「忽略唱歌，滑得真是好！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：