朗喬催旺人緣 可嵐打出新風格

20160205
東網電視
更多新聞短片
Colleen日前帶同小師妹Katrina齊齊開餐!

可嵐(Colleen)日前帶同小師妹朗喬(Katrina)齊齊開餐,大擦鮑魚及炸蝦球等賀年菜,寓意新一年招財進寶,永無蝦碌!Colleen指新年將帶囝囝到國內探望公公婆婆,希望教導囝囝要尊重長輩:「我婆婆、我媽咪、我同我個仔其實係四代同堂,所以都想多啲屋企嘅gathering,一齊過新年!」正參加動作特技課程的她又透露年初三是畢業禮,屆時將展現她三個月來努力的成果:「課程非常艱辛,好易會整親,同埋一個星期練四日,每日都要三至四幾個鐘,係好密集嘅訓練!」問到是否想向打女方面發展?Colleen直認說:「呢個都係我今年新年嘅新方向,因為過去我都係唱歌居多啦,電影少機會接觸,但因為我有學武術,所以好希望喺動作電影度可以參與演出!」她又指正籌備新碟當中,希望能趕及在四月推出。

Katrina表示年初三將會去拜大佛,更笑言會圍着桃花轉一圈,希望能帶來人緣:「我最想要嘅就係人緣,有冇姻緣嗰啲就隨緣啦!」而正為無綫拍劇的她有份參與《味想天開》、《一屋老友記》等的演出,她謂希望能有更多幕前演出的機會,並透露將會推出歌曲,實行多方面發展!

場地:美味廚
可嵐
Hair:Alex Chan@Queen's Private i
Outfit:Tracy Fu@WtyRioo Wonderland
朗喬
Outfit:Tracy Fu@WtyRioo Wonderland