晶女兒不靠父蔭　王子涵拍劇畀導演鬧

大導演王晶的掌上明珠王子涵，放棄依靠父蔭，選擇簽約無綫，加入後即主持《姊妹淘》節目，還有拍劇機會，難免會被人說三道四指她有個名氣大的爸爸。Ada毫不介意，更透露試過拍劇時被導演鬧。她說：「係一個表情做得唔夠投入，係抵鬧。（爸爸安慰？）冇，都冇咁嘅必要，好多嘢唔係講就會明，要自己去摸索。」而且工作人員都待她如新人般教導，未有因「晶女兒」而得到厚待。

雖然未有簽約加入爸爸的公司星王朝，但Ada不時跟爸爸回公司，與旗下藝人十分稔熟，她更大爆18歲已認識鍾采羲（Iris）：「Iris其實喺英國同我讀同一間大學，爸爸簽Iris嗰陣都唔知道原來我哋係認識，後來有一次同爸爸出去做嘢撞到Iris，我先知原來佢簽咗爸爸間公司。」