避過九霄驚魂　劉曉慶興奮晒V

內地影后劉曉慶主演嘅話劇《武則天》近日喺北美進行巡演，不時都喺微博更新動態嘅佢，今日仲透露自己執番身彩，話劇組搭嗰班機遇到強烈氣流，要降落兩次先成功，而劉曉慶因為冇同劇組搭同一班機而避過一刧，劉曉慶留言：「話劇《武則天》巡演舊金山，沒有和劇組搭乘同班飛機，劇組的飛機在降落時遇到強烈氣流，客機秒變過山車，降落失敗又重新復飛，第二次才降落成功，全體乘客掌聲雷動，有驚無險！平安是福。」見佢喺相中又舉V又豎起拇指咁，心情靚爆，似乎覺得自己好Lucky啦。