擺68歲壽宴　司徒法正自爆犯小人

著名玄學家司徒法正在佐敦大搞壽宴。問踏入68歲的他有何養生之道，他即笑謂：「開心，冇乜煩惱就好。（有冇算自己流年？）不嬲都唔會算自己，交畀祖師爺。」

開世界最大種生基園

談到生日願望，司徒法正就指今年會在馬來西亞開設一個全世界最大的種生基園，更會包含度假元素：「希望將種生基大眾化，唔好以為係好貴，今年都會做多啲功德事。」問是否有份投資，他就避談有關話題：「幫手宣傳種生基啫。」至於會否再拍電視節目，他就透露已拍了一個節目：「唔講係拍咗咩住。（會出事？）冇出事！」

自認問心無愧

之前師傅捲入官司遭索償千萬，問是否今年不想再煩，他即謂：「每個人都有自己嘅路行，我屬鼠，呢幾年都犯小人，但我問心無愧。（擺陣？）呢啲隨緣，唔會特登擺。（告佢誹謗？）我對得住天地良心。」