王浩信拍戲真.受傷 撞到頭痛要照掃描

20160221
東網電視
更多新聞短片
王浩信拍飛車戲,點知真係撞車!

無綫小生王浩信、郭晉安(安仔)下午現身屯門,為主演新劇《致命復活》拍攝飛車戲,豈料卻「假戲真做」發生車禍,王浩信真撞向在場一部重型車輛!現場所見,王浩信於事發後手現血跡,工作人員即將他扶離車廂,同時急Call白車。只見坐在一旁的他一臉痛苦,不時要飲水、抖氣定神,安仔見狀也神色凝重地上前慰問。

頭痛要照掃描

救護車到場後,王浩信於救護員攙扶下自己行上車,當記者問到其身體狀況時,他坦承:「頭有啲暈。」隨後,王浩信被送到屯門醫院治療,幸臥於病床上休息的他仍清醒,更向記者詳述撞車經過與傷勢。王浩信左額和眼皮勻貼上紗布,右手食指亦包紮好,他說:「頭仲有啲痛,稍後照掃描睇下有冇撞親個腦,相信冇乜大礙,醫護人員話左眼皮輕微鎅開,事發突然,我都唔知個頭撞到邊度,搞到個頭腫得咁嚴重,希望冇破相。」

休息數日

盡責的王浩信又擔心影響拍攝進度,更深怕令家人擔心,事後也向太太陳自瑤(YoYo)和母親報平安:「我頂得住,希望快啲康復,令到家人擔心都好過意唔去,現實同拍劇都未試過撞車,好在傷勢比想像中好。」之後,YoYo亦趕往醫院探望老公,據知,電腦掃描結果顯示,王浩信未有出血或骨裂,待額頭消腫及再觀察後,需休息數天。

監製林志華前往醫院為對方打點,問到有否影響拍攝進度?林志華直言已取消所有場口並謂:「當務之急係王浩信嘅健康最緊要,等做晒檢查、睇埋報告先,佢好有責任感,同我講唔想阻拍攝進度,公司都以佢健康為主。」談到三月初移師越南取景,他指以王浩信的健康為優先考慮,之後才決定會否再作變動。

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!

最強娛樂APP「東網巨星」下載連結:
http://on.cc/redirect/entertainment