佘詩曼湯盈盈組團過大海睇麥當娜

20160222
東網電視
更多新聞短片
圈中掀起一股「麥當娜」潮,唔少明星紅人都話要睇娜姐開騷,就連佘詩曼、湯盈盈、林夏薇等亦唔例外!

樂壇天后麥當娜(Madonna)剛完成喺澳門新濠影滙舉行嘅一連兩場演唱會,唔少星級粉絲都睇得非常high,仲急不及待於網上大晒場內片段及自拍回味一下。

藝人湯盈盈孖埋佘詩曼、鍾麗淇、梁靖琪等一班好姐妹齊齊着住件Madonna Tee「潮」聖,散場時,佢哋更不忘影番張合照,盈盈其後更於微博發文道:「姊妹Madonna團!So happy to see Madonna with my gal pals!!」

至於林夏薇則以一身黑色lace貴婦look到場,影盡演唱會每一個角落。佢喺backdrop前、台下、包廂外亦有留影,仲係開騷前事先發文預告將會「洗版」!而佢事後亦放咗多張花絮照及短片,並大讚個騷:「正到不得了!」而於近日公開戀情嘅黃美棋亦有帶埋男友鍾健威齊齊睇騷。

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結:
http://on.cc/redirect/entertainment