【以自己為例】胡定欣教你操肌特別技巧

對於張繼聰操得八舊腹肌（相關新聞： http://goo.gl/CJmSe9 ），平日有勤力做Gym的視后胡定欣，接受《東網》電話訪問時，表示平均一星期會健身兩次，每次約健身兩小時，但會有專業教練從旁指導，她更透露早前拍攝劇集《城寨英雄》時，因要拍連場打鬥戲，故隔日便會到健身房鍛練，她說：「嗰時咁啱又要拍廣告，所以可以話勤力過返工，有目標就自然有恒心。」

籲勿盲目追求健美

不過，定欣奉勸大家切密盲目追求操肌肉或人魚線：「因為每個人身體狀況、體形同脂肪分布都唔同，所以要做幾多，又或者做乜器材對自己有幫助，最好有個教練喺度會好啲，冇人睇住好易用錯力受傷，其實唔一定大隻就係靚，瘦亦唔一定係好睇。」

試過操到見暈

定欣更以自己為例，自言脂肪不多。她表示由細到大有跳舞，某程度上已累積了肌肉，故再配合適量運動便能事半功倍，她說：「我都係上年年中先開始練，唔係想操幾多舊腹肌，係想練番個線條，記得第一日練到想暈咁款，到依家體能同精神上都有進步。（有冇試過盲目咁操？）又冇，練到適合自己為止，最緊要係啱比例，飲食方面都要配合。」