邊忽似47歲？伍詠薇生日　網友讚童顏

今日係藝人伍詠薇（伍姑娘）嘅47歲生日，而昨晚一班家人及摰友已經提早為佢慶祝兼倒數生日，而佢今日半夜亦喺網上開心Share咗唔少合照。不過，相片最大亮點係，伍詠薇嘅「不老之謎」！

相片中，睇見同場唔只有老公練海棠，仲有身為補習界名人哥哥伍經衡（Richard Eng）及成日同伍詠薇傾心事嘅藝人蔡一傑。原來哥哥Richard聽日都踏入52歲生日，不過伍家嘅基因好似特別精奇，伍詠薇外表十年如一日，仲Keep得好好，而哥哥都完全唔似年過半百，仲Keep住一副童顏，認真令人羨慕！

而一向玩得嘅伍詠薇就霸氣留言自稱做「本宮」，及多謝身邊嘅親友：「今天是本宮生日，謝謝天上的父母。今年生日有哥哥和我一起慶祝，多幸福（他是25/2生日）！最重要多謝老練一生陪伴還有嫂子Irene，及愛人傑仔出席，一生何求。」