王祖藍激讚嘉欣老公:非常有紳士風度
王祖藍與鍾嘉欣識於微時,如今嘉欣驚爆拍拖年零已結婚,《東網》亦第一時間求證其好友王祖藍。對於這個天大喜訊,祖藍十分開心,並於百忙中抽空回覆謂:「我老婆先係第一個知!我老婆守咗呢個秘密好耐,連我呢個老公都冇講,我叫做算係第二PART先知,即係大約上年先知啦(意指嘉欣有新戀情)。」

祖藍更表示李亞男是睇住嘉欣呢個戀情修成正果:「我老婆睇住佢哋拍拖,我係去到拍到尾聲先知。」他又大讚Jeremy是一百分好男人:「佢非常之有紳士風度,又同嘉欣都係CANADIAN BORN CHINESE,亦係好虔誠嘅基督徒。聽嘉欣講到呢個男仔好好。(係咪一百分?)好唔好過我唔知,但一定高過我咯,哈哈!(係咪有咗?)所有嗰啲嘢,留番畀嘉欣公布,希望各位朋友錫住佢哋,嘉欣咁乖,錫吓佢啦。(嘉欣會唔會退出?)冇收到呢個消息。」之後,祖藍再喺微博轉發嘉欣千字文,笑言不用再守秘密,並謂:「不用做嘉欣BB,做好太太吧。」