否認搶Job 陳凱琳支持朱千雪重返校園

20160225
東網電視
更多新聞短片
陳凱琳尊重好友朱千雪(小圖左)嘅決定。
藝人陳凱琳(Grace)以Tube Dress晚裝出席皮草之夜,卻收起事業線。問是否男朋友鄭嘉穎禁止性感?她說:「唔係,啲衫我自己揀嘅。(佢會唔會過問你工作着咩衫?)唔會,不過我會畀佢睇,佢次次都話好靚,So far都OK,佢都信任我嘅Taste。佢着衫方面我唔會畀意見,佢有自己喜好同Style,唔需要我畀意見佢。」
問有報道指因為朱千雪進修,故Grace搶去對方工作?Grace說:「我冇聽過,我同Tracy(朱千雪)係朋友,知道佢讀書都好支持佢,佢話想讀自己鍾意嘅科目,好鼓勵佢,每樣嘢都有Timing,睇佢想喺邊方面發展。(你有冇因為佢去讀書而多咗Job?)每個Artist都有佢工作嘅安排,唔會有咩衝突。(有冇劇原本佢接變咗你接?)相信冇咁嘅事。(你同佢有冇聯絡?)呢排佢忙緊考試,佢套劇《警犬巴打》出街我有話佢知,我有睇,覺得佢做得好。(如果佢要轉行?)我覺得每個人有佢選擇空間,我會尊重佢嘅選擇。」