鍾嘉欣臉書放閃 同老公鬥蠱惑勁恩愛

20160226
東網電視
更多新聞短片
呢張黑白結婚相,嗰種眼神雖然好俏皮,但其實流露出嚟嘅,係非一般嘅甜蜜。

鍾嘉欣後日香港時間凌晨及早上於加拿大補擺婚宴,雖然女主角一直堅持要低調,不過同老公愛得甜蜜嘅佢,始終都係忍唔住要放閃。

啱啱,嘉欣BB喺面書上載同老公嘅黑白婚照,仲留言:「我結婚啦!」睇番張相,靚爆鏡嘅嘉欣BB,以難得一見嘅俏皮眼神望住老公(小編註:嘉欣BB平時明明唔係咁㗎嘛),而佢老公雖然四十幾歲人,但都依然好活潑咁回敬番嘉欣BB一個蠱惑嘅眼光,呢種另類形式嘅「深情對望」,真係睇到都甜蜜。

而喺短短半個鐘,嘉欣BB嘅FB已經有過千個Like,仲有半百粉絲留言祝福,除咗大部份留言講恭喜外,仲有人留言:「白頭到老、永遠同心」,及有人讚嘉欣揀呢個老公係「明智嘅選擇」,不過最搞笑嘅係,有鐵粉留言:「我又失戀了...」睇嚟呢位鐵粉都好多女神呀喎。

另外,其實嘉欣BB已經成兩個月冇UPDATE FB,今次佢公開放閃,睇嚟個Like數一定有排直線上升。


最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結:
http://on.cc/redirect/entertainment