嘉欣親作曲《我結婚了》 歌詞冧到爆裂
20160226
東網電視
更多新聞短片
鍾嘉欣為咗今次嘅婚䌡，仲親自作咗一首歌，叫《我結婚了》，仲搵嚟佢嘅才子好友王祖藍（右）填詞，真係無敵嘅組合。
鍾嘉欣秘婚已經夠晒爆，不過沒有最爆只有更爆，鍾嘉欣今日連環放閃，繼喺臉書上載黑白婚照後，原來鍾嘉欣為咗今次嘅婚䌡，仲親自作咗一首歌，叫《我結婚了》，仲搵嚟佢嘅才子好友王祖藍填詞，真係無敵嘅組合。
睇晒成首歌，好明顯嘉欣好滿意呢個老公，用黑馬嚟比喻老公嘅佢，除咗覺得老公「純白像雪花」，仲覺得只要有老公陪伴，佢就可以「跨過千里遙遠都不可怕」，所以佢決定「今日完全付託他」。另外歌詞仲以「我再怒放心花」嚟形容嘉欣嘅心情，咁到底女主角有幾振奮，畫公仔都畫晒出腸啦！
既然佢老公係黑馬，咁邊個係歌詞入面嘅白馬呢？小編估計係伍允龍，而如果冇估錯嘅話，嘉欣都曾經覺得同伍允龍可以開花結果，唔知伍允龍睇到呢句歌詞，會唔會好感觸呢？
歌詞詳列如下：
沿路遇着是夢幻白馬
應會開花
可惜跑太快我卻沒有這功架
我那時 未到家
好姊妹亦不用害怕
這天 你也會有點驚訝
誰料愛情來到 太神奇嗎？
我能遇上他
我結婚了 紅紅鮮花長長婚紗緩緩出嫁
傻傻的你傻傻的我傻傻愛吧
這匹黑馬 心裡仍純白像雪花
我結婚了 能和爸爸還和媽媽陪同出嫁
完全因你們曾給我完全的家
找到黑馬 風雨沿途灑
陪我飛奔好嗎？
這位公主今天亦恨嫁
黑馬 你知嗎？
每位好友聽我議論你有點誇
我會話 沒有假
新娘妝亦可慢慢化
讓我再看看我的爸媽
為我輕揉裙褂披上頭紗
女兒像你嗎？
我結婚了 紅紅鮮花長長婚紗緩緩出嫁
傻傻的你傻傻的我傻傻愛吧
這匹黑馬 心裡仍純白像雪花
我結婚了 能和爸爸還和媽媽陪同出嫁
完全因你們曾給我完全的家
找到黑馬 風雨沿途灑
陪我飛奔好嗎？
有如神話我能騎着馬
跨過 千里 遙遠都不可怕
也許早已注定你
可使我再怒放心花
我結婚了 紅紅鮮花長長婚紗緩緩出嫁
誰曾心痛誰曾心掛誰曾責罵
不必牽掛 今日完全付託他
我結婚了 能和爸爸還和媽媽陪同出嫁
你看得清楚幸福感覺滿溢嗎？
這黑馬 風雨沿途灑
陪我飛奔好嗎？
這童話 陪我一生好嗎？
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：