公屋港姐!陳庭欣勁低調 張秀文唔自卑

20160226
東網電視
更多新聞短片
兩位公屋港姐,一個就住得低調,一個就住得自豪。

日前陳庭欣(Toby)被《好報》踢爆自任職公務員的父親退休後,一家被安排入住曾發生退伍軍人症確診病案、食水含鉛超標事件及槍擊案的「A1屋邨」九龍灣啟晴邨,而為免港姐光環鋒芒太露,Toby出入啟晴邨時亦顯得十分低調,不但刻意戴上口罩,更被《好報》拍得她於回家途中「高度戒備」低頭急步回府。而為圓上車夢,Toby亦慳到盡坐地鐵,更親自到洗衣店磅洗。

陳庭欣咩都慳

對於被指她現居「A1屋邨」,Toby接受《東網》訪問時則表示不願多談,但坦承父母的確於上址居住,並至今仍努力升呢做業主,續說:「呢排都真係幾慳,想努力工作盡快買樓,就算揸車都揀隻慳油嘅車,兩年一次旅行,唔買奢侈品。(Dream House?)最緊要爸媽鍾意!」而談及報道指她有男友翟威廉「照住」時,她直言:「我哋間唔中都會出嚟食吓飯,嗰日其實係去佢屋企樓下商場,個個朋友搵親佢都就佢喺樓下食。(快啲嫁人就快啲換到樓?)呢啲嘢唔勉強,依家都好enjoy靠自己搵錢。」

張秀文追唔切樓價

至於,與Toby同屆的港姐亞軍張秀文亦為公屋出身,現時並與家人同住於馬鞍山耀安邨,而最近憑34D獲封為「新一代咪神」的她則直言絕無因住公屋而感自卑:「一出世就住呢度,唔會覺得輸蝕畀人,係好平常嘅事,咁仲好啦,令我更獨立!」其後,她亦坦言想盡快搵到第一桶金買樓:「以前都想架喇!但一直追唔到樓價,到近排事業有起色又再諗番,希望四至五年內達成啦!」