渴望結婚！陳山聰談何超雲即封口

藝人陳山聰於荃灣為舞獅活動擔任評判及嘉賓。他直言自己三歲時已拜師學舞獅，至今已有三十多年經驗，兩年前更與郭政鴻自組獅隊，旨在發揚中國國術。問到他舞獅多年有否受傷？山聰笑言於中學時期曾因舞獅而弄瘀手腳。

談到他精通舞獅，會否有助追女仔？山聰笑言毫無幫助，更讚岑麗香（香香）及樂瞳有天分：「點會用嚟追女仔，之前拍劇教過香香同樂瞳，佢哋資質好好！」提到鍾嘉欣結婚，曾與對方合作拍劇的山聰祝她幸福快樂，又直認渴望組織家庭。他說：「祝佢幸福。（你嘅感情狀況？）工作行先，希望上天賜個（女仔）畀我、陪我到老，每人都希望有家庭生活。（對拍拖有陰影？）冇，人要積極向前看，冇可能活在以前。」

提到其舊愛何超雲日前生日，問到山聰有冇送祝福？他即避談：「冇，唔回應喇。（有冇聯絡？）唔回應。」