羅嘉良7年冇返無綫蕩失路

藝人羅嘉良到將軍澳電視城出席無綫新劇《與諜同謀》開鏡拜神儀式。嘉良繼2009年《富貴門》後，事隔7年再次踏足電視城，他笑言自己駕車回城時有點迷路，而今次接拍《與》的原因是角色吸引：「同埋都有一段長時間冇返嚟，見吓大家啦。返到嚟我有好多人唔識，不過大家都對我好好。」

提到今次《諜》劇主演多是新人，包括女主角李佳芯，鄭俊弘以及黃心穎等，嘉良大讚他們有活力：「我自己都做過新人，唔緊要㗎。（今次會留幾耐？）兩個半月，會留喺香港，到四月會返北京，因為我個女生日。（為《諜》推其他工作？）都有，有清裝、古裝又有時裝。（有冇八位數？）唔講啦，我一向都唔講數字。」

另外，羅嘉良又表示多謝監製黃偉昇找自己回無綫拍劇，令他感覺很Warm。