李佳芯做女主角唔介意被指執二攤

藝人李佳芯到將軍澳電視城出席無綫新劇《與諜同謀》開鏡拜神儀式，對於今次做女主角，佳芯自覺幸運：「由最初做兩場，到有自己一條線，去到第二女主角，到依家做女主角，加入無綫三年幾嘅時間，係比較幸運。可能以前成日都係做小三、孤狸精嘅角色比較突出，畀監製睇中咗。」

緊張時諗起羅家良唱歌

佳芯今次將飾演主角羅家良的得力助手，劇中還是一個五歲大兒子的母親。問她見羅嘉良可有壓力？她笑言：「緊張一定有，但反而會諗起佢唱歌。（有感情線？）依家出到一半劇本，仲係賓主關係，去到最後就有冇就未寫到。（自己要求加？）依家啲女仔好主動吓嘛？我冇實則呀，到時去有有自然會發生。」

唔敢認頂替楊怡

提到早前有傳佳芯能擔正是由於楊怡約滿離開無綫，她表示未敢自認頂替：「呢個角色對我嚟講，係最好嘅聖誕加新年禮物。（感覺「執二攤」？）我要求唔高，有得執都好好，最緊要角色好玩有發揮，每個人演繹都唔同，我會有自己嘅方法去演。」