胡定欣強吻黎耀祥嗌激：咀到成身濕晒

胡定欣、黎耀祥（祥仔）及曹永廉等人主演的無綫劇集《公公出宮》近日再掀高潮，劇情交代定欣扮演的金香，與祥仔扮演的太監李肅恭因「假鳳虛凰」而漸生情愫，不過祥仔因未能傳宗接代，想出與陳國邦扮同性戀去婉拒定欣的愛意。定欣為測試祥仔的心意，竟眾目睽睽下強吻黎耀祥！

開定支票請食飯

談起拍攝這場吻戲，定欣笑說：「喺開平外景，攝氏四十幾度之下拍嘅，名副其實咀到成身濕晒！其實之前我同祥仔合拍《巾幗梟雄》時都拍過咀戲，不過就冇今次咁激囉。」而祥仔則剛從美國登台返港，他受訪表示：「嗰日我太太都在場，仲幫我哋影劇照?。（監製話你開定支票請食飯？）冇所謂，最緊要大家開心啫。」有份「觀戰」的曹永廉則謂：「好記得呢場戲，拍嗰日好翳焗，佢哋咀得辛苦，我哋亦睇得唔享受。（請食飯？）好呀，咪夾一百幾十囉，但我冇理由出錢多過視帝祥嘅，人哋一年搵幾千萬喎。」

設慰勞宴

對於定欣與祥仔這場吻戲的演出，監製羅永賢讚口不絕：「視后同視帝嘅功力毋容置疑啦，一take過OK。（嚟緊再搞慶功？）梗係會啦，祥仔都開定支票嘞。」無綫方面鑑於《公》劇收視理想，3號晚將於無綫餐廳內擺下筵席，以慰勞台前幕後。