亞視人齊集總台門口影「最後的合照」

20160302
東網電視
更多新聞短片
亞視會永遠都存在......喺大家心中。

亞視臨時清盤人日前宣布遺散所有亞視員工,令亞視幾乎提早一個月「熄機」,但遭亞視新投資者司榮彬出手阻止,高院昨日就事件開庭聆訊,最後法官決定延後「熄機」時間兩日(三月三日)。

眼見亞視接近倒數階段,70年代已開始為亞視前身「麗的電視」效力的資深電視人徐小明,召集歷代亞視台前幕後敍舊。今晨七時,半百亞視人集合在亞視大埔總台,拍攝「最後的合照」,出席者包括鮑起靜、黎燕珊、魏秋樺、李菁、宮雪花、劉錫賢、張家瑩、蔡國威、筱靖、呂晶晶、黃竣鋒,以及前執行董事葉家寶等,眾人在總台外及大堂外的ATV Logo前拍照留念,難免百感交集。

拍照時,因藝人及傳媒人數太多,一度企出馬路,而現場有不少大貨車經過,場面相當危險。

既開心又唏噓

1979年加入麗的電視的鮑起靜曾服務亞視33年,直至2012年約滿離開,被視為亞視Icon人物之一。她表示跟亞視作最後道別,今日心情既開心又唏噓:「今日係好有意義嘅早上,見番咁多老朋友,集齊咁多代嘅人,見證唔同歷史階段。」講到在亞視的難忘回憶,鮑起靜直言人生最好的30多年已交給亞視,視這裏為大家庭:「識到好多好同事,曾經有良好工作環境,一生無憾。(有冇特別想多謝邊個?)所有亞視同事,我哋有份相親相愛精神,令大家去到邊都帶住份愛,好溫暖。」她認為80至90年代是亞視的輝煌時期,炮製了不少出色的劇集及綜藝節目,當時的人才陣容亦非常強大。

問到最後還有甚麼說話想跟亞視說?鮑起靜開始眼濕濕,並忍着淚說:「唔知講咩……件事唔應該係咁,大家捱到呢步,其實好多事可以避免,有唔少係人為因素,係好唏噓,但總結都係樂比苦多。」

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結:
http://on.cc/redirect/entertainment