否認戀大律師　陳庭欣保留發展關係

藝人陳庭欣（Toby）於電視城出席無綫劇《公公出宮》祝捷會，陳庭欣近日傳搭上大律師唐偉倫，更激嬲對方模特兒女友Candice，與翟威廉傳足多年緋聞的Toby，被問到跟威廉現時的關係？她說：「同之前一樣，感情生活好穩定，冇改變，自己都好低調。（同佢乜關係？）好好好好嘅朋友關係。」

她澄清跟唐偉倫乃好朋友，不清楚對方有否女朋友，更不知Candice是否其女友，若然是，她亦希望女方不要誤會，並謂：「睇戲都係普通朋友會做嘅嘢，冇任何親密行為亦保持距離。」提到被指於男方寓所過夜，更自拍「床照」兼上載對方愛犬相上網，是否宣示主權？Toby沒好氣說：「我成日擺自拍相上網，唔好求其攞隻狗就話人哋養隻狗。」不過，她坦承跟大班朋友上過對方家開派對，但強調絕無「借宿一宵」或「共度春宵」，皆因要回家服侍鸚鵡：「我每晚都要返屋企幫雀仔按摩。」跟唐偉倫有否發展機會？她卻有所保留：「唔知，自己冇辦法預測未來。」