林敏驄入圍金像獎男配:全部都唔係對手

20160303
東網電視
更多新聞短片
林敏驄搞Gag話全部都唔係自己對手,因為自己對手喺自己度…

藝人林敏驄(阿驄)、林家棟及文詠珊(Janice Man)等,於尖沙咀出席一共17圍的香港電影工作者總會春茗晚宴。談到阿驄入圍今屆金像獎「最佳男配角」,首度獲提名的他表示榮幸,又笑言冇信心奪獎。問到他睇好邊位對手?阿驄搞Gag笑說:「全部唔係我對手,因為我自己對手係度!其實全部都好勁,有提名已經係肯定。」他又逐個盤點各位勁敵:「張晉有兩部戲入圍,我知佢老婆話唔贏就唔畀佢返屋企。而白只攞開獎又會再攞,張繼聰個名有『聰』字都有一半機會!(因為另一半係你度?)講到咁白!」問到阿驄會否帶同女伴亮相紅地氈?他笑言會考慮:「都好。(咩國籍女伴?)中、日、韓混血,我幫佢混!」

入紙紅館唔批感失望

談及阿驄過往不時把自家歌曲放於網上與人分享,有否打算趁出道35周年舉辦演唱會?他透露有主辦商欣賞自己的歌曲,但早前入紙紅館卻不獲批准,他直言感到失望:「咁多年都想開,但唔知咩渠道同咩人話事。(紅館唔批令你失望?)少少失望,隨緣,遲早會開到。」



阿驄又提及鄭中基早前入紙紅館亦不獲批准,原來二人曾打算互相為對方擔任個唱嘉賓:「我同佢諗過互做嘉賓,依家互做唔到。(考慮其他場地?)遲啲再算,我目前拍緊戲同忙緊劇本。」