亞視榮譽員工 高呼:良心電視萬歲!

20160304
東網電視
更多新聞短片
亞視終身榮譽員工、節目部高級節目執行主任程啟光先生,話亞視依個品牌係永恒架!

亞視嘅臨時清盤人尋晚就宣布,會遣散所有員工,盛傳今日會熄機。今日都常有員工返工,亞視終身榮譽員工、節目部高級節目執行主任程啟光先生,入咗公司打卡之後,就主動走出門口向傳媒表示樂意受訪。

程生表示自己已經服務咗亞視53年,今日係最後一日返工:「返嚟執嘢,多年工作都好愉快,好可惜今日係最後一日,心情一定係沉痛。」他又感謝大家對亞視嘅關心,佢話:「亞視係永恒,就算牌照只係去到四月一號,但依個品牌真係永恒。(搞到如斯田地邊個要負最大責任?)唔評論,留畀大家去評價。(司榮彬話注資一千萬?)冇聽過。(期待新資金?)我唔揣測,不過出糧係應該嘅。」

之後佢又話:「亞視電視萬歲,良心電視萬歲。」記者問佢到依家係咪仲覺得亞視有良心?佢就好堅定咁答:「我哋不嬲做嘅路線都係良心電視,好多節目都係,例如《把酒當歌》、《感動香港》,都係以呢個路線出發。」